Algengustu aðgerðir

Algengustu fegrunaraðgerðir sem lýtalæknir framkvæmir á stofu eru aðgerðir á andliti, svo sem efri og neðri augnlok og andlitslyfting. Einnig er algengt að gera aðgerðir á brjóstum.

Aðgerðir á augnlokum algengastar

Fegrunaraðgerðir á augnlokum og augnpokum eru langalgengustu aðgerðirnar sem læknarnir framkvæma á læknastofu sinni í Domus Medica, eða 44% af öllum aðgerðum. Þar er um að ræða aðgerðir á efri augnlokum og neðri augnlokum. Í einstaka tilfellum eru gerðar aðgerðir bæði á efri og neðri augnlokum. Næstalgengastar eru brjóstastækkanir, eða 25% af öllum fegrunaraðgerðum á stofu utan sjúkrahúss.

Gátlisti fyrir viðtal

1. Skilgreina eðli lýtisins
2. Lesa um aðgerðina
3. Fara yfir rök
4. Sannfærast um ávinning
5. Panta viðtal

Helstu aðgerðir sem lýtalæknar framkvæma

Samantekt um fjölda aðgerða

Í samantekt Ólafs Einarssonar fyrir árið 2004 kemur í ljós að fegrunaraðgerðir á augnlokum og augnpokum eru langalgengustu aðgerðirnar sem hann framkvæmir á læknastofu sinni í Domus Medica, eða 44% af öllum aðgerðum. Þar er um að ræða aðgerðir á efri augnlokum og neðri augnlokum. Í einstaka tilfellum eru gerðar aðgerðir bæði á efri og neðri augnlokum. Næstalgengastar eru brjóstastækkanir, eða 25% af öllum fegrunaraðgerðum á stofu utan sjúkrahúss. Þriðja algengasta aðgerðin er fitusog, eða 11%. Brjóstalyftingar voru 6% og minna en 5% voru ýmsar aðrar aðgerðir, þ. á m. aðgerðir á kviðvegg. Auk ofangreindra aðgerða er algengt að nota fyllingarefni til að bæta í varir og/eða minnka hrukkur í andliti, enda þótt slík meðhöndlun teljist ekki til aðgerða. Einnig eru ýmsar laseraðgerðir í andliti ekki óalgengar og eru eftir atvikum framkvæmdar af hjúkrunarfræðingum eða læknum. Sjá heimasíðu Laserlækningar. Þar er sagt frá algengustu aðgerðum þó svo að listinn sé engan veginn tæmandi. Margar aðrar aðgerðir eru framkvæmdar á stofu hjá Ólafi Einarssyni þó að þeirra sé ekki sérstaklega getið hér á heimasíðunni, t.d. lagfæring á inndregnum geirvörtum, ýmsar aðgerðir á höndum, aðgerðir gegn miklum svita í holhöndum og fleira. Um þessar aðgerðir og ýmsar aðrar sjaldgæfari aðgerðir er hægt að fá upplýsingar hjá lýtalækninum sjálfum.

Andlitslyfting

Á fræðimáli heitir andlitslyfting „rhytidectomy“ og felst í því að breyta áferð og yfirborði húðar í andliti og á hálsi. Andlitslyfting er aðgerð sem getur í vissum skilningi „snúið við klukkunni“ en er ekki aðgerð sem sigrast á elli kerlingu. Í aðgerðinni er umframhúð og aukafita fjarlægð.

Skoða nánar

Eyrnaaðgerðir

Algengustu aðgerðir á ytri eyrum eru til þess að fella útistandandi eyru að höfðinu eða til að minnka stór eyru. Á fræðimáli kallast þær „otoplasty“. Í flestum tilfellum eru slíkar aðgerðir gerðar á börnum og unglingum á aldrinum 6 til 15 ára.

Skoða nánar

Aðgerðir á augnlokum

Aðgerðir á augnlokum (efri augnlok) og augnpokum (neðri augnlok) kallast á fræðimáli „blepharoplasty“. Í aðgerðum er fitusöfnun og húðpokar á þessum stöðum fjarlægðir. Í mörgum tilfellum getur slík fitusöfnun og húðpokar bæði truflað sjón og einnig gert það að verkum að einstaklingar virðast þreyttari og eldri.

Skoða nánar

Nefaðgerðir

Aðgerðir á augnlokum (efri augnlok) og augnpokum (neðri augnlok) kallast á fræðimáli „blepharoplasty“. Í aðgerðum er fitusöfnun og húðpokar á þessum stöðum fjarlægðir. Í mörgum tilfellum getur slík fitusöfnun og húðpokar bæði truflað sjón og einnig gert það að verkum að einstaklingar virðast þreyttari og eldri.

Skoða nánar

Brjóstaminnkun

Konur með óvenjulega stór og þung brjóst hafa tilhneigingu til að fá háls-, bak- og herðaverki. Dældir geta myndast í axlir undan hlýrum brjóstahaldara og viðvarandi raki undir brjóstum getur valdið roða og jafnvel kláða og útbrotum.

Skoða nánar

Brjóstalyfting

Margar konur eru með brjóst sem hafa aflagast eftir endurteknar meðgöngur og brjóstagjöf. Fylling hefur minnkað og brjóstin eru sigin og tóm. Einnig hafa geirvörtustæði iðulega teygst og eru gjarnan hlutfallslega stór miðað við brjóstið.

Skoða nánar

Brjóstastækkun

Brjóstastækkun er skurðaðgerð gerð í þeim tilgangi að stækka og breyta lögun brjósta. Ástæðurnar fyrir því að konur vilja stærri brjóst geta verið margar. Til dæmis geta brjóst minnkað eftir meðgöngu og fæðingu og orðið minni en þau voru fyrir óléttu.

Skoða nánar

Fitusog

Fitusog er aðgerð þar sem umframfita er fjarlægð af ákveðnum svæðum líkamans, t.d. kviði, lendum, lærum, hnjám, ökklum, upphandleggjum, höku og vanga. Á undanförnum árum hafa vinsældir fitusogs aukist enda hefur tæknin sem notuð er við aðgerðirnar tekið miklum framförum og í kjölfarið hefur batatími eftir aðgerðir styst.

Skoða nánar

Kviðaðgerð - svunta

Kviðaðgerðir eru skurðaðgerðir þar sem umframhúð og fita á kviði er fjarlægð. Í aðgerðinni er einnig oft teygt lítillega á vöðvum undir kviðhúðinni. Ástæður fyrir kviðaðgerð geta verið ýmsar en þær helstu eru að fjarlægja mikla fitusöfnun og lafandi og lufsulegt skinn á kviðnum.

Skoða nánar

Blettir - fæðingablettir - vörtur

Oft og tíðum lítur fólk á húðbreytingar, eins og t.d. fæðingabletti, vörtur, sepa, stíflaða fitukirtla, fituhnúða og örður af ýmsu tagi, sem lýti. Einnig geta slíkir blettir valdið óþægindum eftir staðsetningu á líkamanum og við núning.

Skoða nánar

Fyllingarefni

Í gegnum tíðina hafa lýtalæknar notað ýmis efni til að sprauta í húðina til þess að grynnka hrukkur í andliti, aðallega kringum munninn og á enni. Einnig hafa efni verið notuð til að setja í varir til að bæta útlit þeirra og stækka ef þær eru rýrar.

Skoða nánar

Skapabarmaaðgerðir

Aðgerðir á skapabörmum (ytri kynfærum kvenna) eru vaxandi viðfangsefni lýtalækninga. Eftirspurn eftir þessum aðgerðum er fyrst og fremst hjá hópi yngri kvenna 20-45 og helstu ástæður fyrir aðgerðinni eru útlitslegar auk þess sem að stórir innri skapabarmar geta stundum valdið ertingu og sviða í kynlífi.

Skoða nánar